شويه نكت تفطس من الضحك

جبت لكم شويه نكت هتموتوا من الضحك عليها

بيقولك لاعب كمال اجسام ماشي في الشارع عطس مات
وواحده بتتغدى مع ولادها وجوزها شرقت ماتت
اما ده بقى زملكاوى بيتفرج على ماتش الاهلى جاب جون جات له سكته قلبيه مات
عروسه ليله فرحها نامت مقمتش
موظف راجع من شغله طلع عليه حرامى سرقه وطير رقبته

هههههههههههههههههههههههههههههههههههههههههههههههههه هههههههههههه

انتوا مش بتضحكوا ليه ؟؟؟؟؟؟؟؟؟؟؟!!!!!!!!!!!!!!!!!!
هى النكت معجبتكمش
طب تصدقوا بقى انها حقيقه وانك ممكن تكون واحد من دول
وليه طب ماانت ممكن وانت بتقرأ الجمله دى متلحقش تقرأ السطر اللى بعده
تخيل ياللى انت عايش وبتخبط شمال ويمين انك في لحظه
بعد ماكنت ماسك الحياه بايدك انك تموت
ولا انتى مثلا ياللى عشتى وخرجتى واتفسحتى وحبيتى ورسمتى مستقبل عظيم انك تموتى
طب تخيل لو مت وانت متجوز ومراتك اللى عشت عشر سنين تحب فيها واتبهدلت عشان تتجوزها وحاربت الدنيا وهى اتجوزت بعد ما مت
ولا انتى ياللى حملتى وخلفتى وربيتى وعملتى بعد مامتى ولادك ينسوكى
ما دى حقيقه مش هيفتكروكم الا لما يجوا يقولوا (ورحمه امى او ابويا او جوزى او مراتى)
ولا مثلا لو ناس اصيله تفتكرك كل سنتين بقراءه الفاتحه

ممكن اسالكم سؤال ؟
انتوا بتحاربوا ليه انتوا بتتسابقوا على الدنيا ليه وعشان مين ؟
عشان دول طب ولما تقف قدام ربنا ويسالك مصلتش ليه هتقول له ايه ؟
عشان كنت بجيب لهم ياكلوا ساعتها هيقولوا ولا نعرفه ولاحد فيهم هيسال عنك


انا مش بقول متسعاش لكن متنساش اللى خلقك عشان تسعى

احذروا ياقوم فالموت ياتى فاجئه الموت ياتى فاجئه الموت ياتى فاجئه

انت عشت كام سنه واحتمال كده تعيش كام سنه تانى طيب طب هى دى مده تلحق فيها تحضر حالك الحق وجهز نفسك من دلوقتى انت مش ضامن عمرك
الموت ياتى فاجأه